Թուրքիայի քաղաքներից մեկում հայերի տապանաքարերը որպես կոյուղու կափարիչ են օգտագործել

Թուրքական Թեքիրդաղ նահանգի ջրային տնտեսության վարչությունը հայտնաբերել է, որ Մալքարա քաղաքում հայկական տապանաքարերը որպես կոյուղու կափարիչ են օգտագործել: Այս մասին գրում է թուրքական «Today’s Zaman»-ը՝ վկայակոչելով Ստամբուլի հայկական «Ակօս» պարբերականին:

Աշխատավորներն այդ տապանաքարերը հայտնաբերել են վերանորոգման աշխատանքների ժամանակ, քաղաքի փողոցներից մեկում: Նրանք 7 տապանաքար են գտել ու այդ մասին հայտնել քաղաքապետարանին:

Նշվում է, որ Մալքարայի քաղաքապետ Ուլաշ Յուրդաքուլի կարգադրությամբ տապանաքարերը փոխանցվել են Թեքիրդաղի հնագիտության թանգարան՝ ուսումնասիրվելու եւ պահպանվելու նպատակով:

http://news.am/arm/news/282705.html