Քուրդիստանի աշխատավորական կուսակցությունը (PKK) Թուրքիայի Դերսիմ նահանգն ինքնավար մարզ է հայտարարել և անցակետեր տեղակայել մարզի գլխավոր մայրուղում, գրում է քրդական Rudaw.net-ը։
PKK-ի տարածած տեսանյութը նպատակ ունի ցույց տալու, թե ինչպես են զինյալները ղեկավարում մարզ տանող գլխավոր ճանապարհը և զննում տրանսպորտային միջոցները։
«Մեզ և մեր ժողովրդին պաշտպանելու իրավունքի հիման վրա մենք՝ պարտիզաններս, ազգային ինքնավարություն ենք հռչակում Դերսիմում»,-տեսանյութում ասում է մարտիկներից մեկը։
Հիշեցնենք, որ Դերսիմում նաև բազմաթիվ հայեր կան, որոնցից շատերը նոր են բացահայտել իրենց հայկական արմատներն ու ցանկանում են հայերեն սովորել և վերադառնալ ակունքներին:
Այս տարվա ապրիլին՝ Հայոց ցեղասպանության 100-ամյակի միջոցառումների շրջանակներում, Դերսիմից պատվիրակություն էր ժամանել Երևան: Միջոցառումներ էին կազմակերպվել նաև Դերսիմում:
http://www.tert.am/am/news/2015/08/20/pkktur/1768800
Leave a Reply