Դիարբեքիրում քաղաքապետեր են ձերբակալվել. բախումների հետևանքով 5 զինծառայող է զոհվել

Դիարբեքիրի Սուր և Սիլվան շրջաններում իրականացված հատուկ գործողության ընթացքում ձերբակալվել են շրջանների համաքաղաքապետերը։

Ինչպես տեղեկացնում է «Ակօս»-ը, կան բազմաթիվ այլ ձերբակալվածներ։

Ձերբակալվածների թվում են Սուրի համաքաղաքապետեր Սեյիդ Նարինն ու Ֆաթմա Շըք Բարութը, Սիլվանի համաքաղաքապետեր Յուքսել Բոդաքչըն և Մելիքշահ Թեքեն:

Դիարբեքիրի Հանի շրջանում՝ Դիարբեքիր-Բինգյոլ ճանապարհին, քուրդ զինյալների և թուրք զինվորականների միջև բախումների հետևանքով երկու զինծառայող զոհվել է, ևս մեկը վիրավոր է:

Երեկ այս շրջանում դարձյալ զոհեր էին գրանցվել: Լիջեում տեղի ունեցած բախումների հետևանքով սպանվել էր 3 թուրք զինվոր:

http://www.tert.am/am/news/2015/08/19/diarbeqir/1767579