Գերմանական համալսարանն արգելել է քննարկել Ցեղասպանությանը հակասող թեզերը

Գերմանիայի Duisburg Essen համալսարանը սկանդալային որոշում է կայացրել և արգելել քննարկել Հայոց ցեղասպանության իրողությանը հակասող տեսակետները. գրում է թուրքական Ulusal Kanal կայքը։

Համալսարանում սովորող թուրք ուսանողները պարտադրված են 1915 թվականին տեղի ունեցածը որպես «հայերի ջարդեր» ներկայացնել։

Դրան ի պատասխան՝ Խաղաղության և երկխոսության միությունը թեմայի լուսաբանման համար աշխատանքներ է ձեռնարկում։

Նրանք համալսարանից բաց նիստ իրականացնել են պահանջում, սակայն համալսարանը դա թույլ չի տվել։

Միությունը հարցի առնչությամբ բանաձև է ներկայացրել համալսարանի ղեկավարությանը, սակայն դա էլ չի ընդունվել։

Թուրքերը փորձել են, համալսարանի հանրակացարանում թռուցիկներ բաժանելով, ներկայացնել թեմայի առնչությամբ իրենց դիրքորոշումը, սակայն անսպասելի արդյունքի են բախվել։ Ժամանել է ոստիկանությունն ու արգելել է ցրել թռուցիկները։

http://www.tert.am/am/news/2015/08/16/univercity/1765080