Փակվել է թուրք-իրանական ամենամեծ սահմանային անցակետը

Իրանի ճանապարհաշինության և քաղաքաշինության փոխնախարար  Դավուդ Քեշավերզիյանը նախարարության պաշտոնական կայքի միջոցով հաղորդել է, որ Իրանի և Թուրքիայի ամենամեծ Գյուրբուլուք-Բազարգան սահմանային անցակետը Իրանի կողմից միակողմանիորեն փակվել է:

Թուրքական    «CnnTurk» լրատվական ծառայությունը, հղում անելով Քեշավերզիյանի հայտարարությանը, նշում է, որ սահմանային անցակետի փակումը կապված է օգոստոսի 11-ին Թուրքիայի տարածքներում գրոհայինների կողմից կատարված հարձակումների հետ:

Իրանցի փոխնախարարը տեղեկացրել է, որ  չնայած անցակետի միակողմանի փակմանը, այնուամենայնիվ Թուրքիայի բեռնատարները կարող են մուտք գործել Իրան:

Քեշավերզիյանը վերջին օրերին Թուրքիայում իրանական մեքենանարի վրա իրականացված հարձակումների կապակցությամբ հանդիպել և իր մտահոգությունն է  հայտնել Իրանում Թուրքիայի արտակարգ և լիազոր դեսպան Ռիզա Հաքան Թեքինի հետ:

Նշենք, որ Գուրբուլաք-Բազարգան սահմանային անցակետը գտնվում է  Թուրքիայի Աղրը նահանգի Դողուբայազետ (Բայազետ) շրջանում:

Աղբյուր`    Ermenihaber.am