ԵՐԵՒԱՆ, «Արմէնփրէս».- Հայ բեմադրիչ Արտակ Իգիթեան կը պատրաստէ Հայոց Ցեղասպանութեան մասին «Անատոլիական Պատմութիւն» («Anatolian Story») վերնագիրով ֆիլմ մը, որուն մէջ գլխաւոր դեր պիտի ստանձնեն ֆրանսացի յայտնի դերասաններ Ժերար Տեփարտէօ եւ Սամի Նասերի:
Ըստ «rusarminfo.ru»ի (ռուս-հայկական տեղեկատուական գործակալութիւն)՝ ֆիլմին գլխաւոր հերոսը Մուսթաֆա Ղազին է, որ իր ամբողջ կեանքը նուիրած է Թուրքիոյ եւ ատած է հայերը։ Սակայն կը պարզուի, որ ան հայ է: Ֆիլմի բեմագրութեան հեղինակն է Մարք Արեն (Կարէն Մարգարեան): Ֆիլմին համար երաժշտութիւն պիտի գրէ Միշել Լըկրանը: Նկարահանման աշխատանքները պիտի սկսին 2015ի Նոյեմբերին: Նկարահանումները տեղի պիտի ունենան Հայաստանի, Թուրքիոյ, Ֆրանսայի եւ Գերմանիոյ մէջ:
Asbarez.com
Leave a Reply