Քուրդիստանի բանվորական կուսակցության (ՔԲԿ-PKK) իրանական թևի՝ Ազատ կյանք Քուրդիստանում (PJAK) կուսակցության ռազմական թև համարվող Արևելյան Քուրդիստանի պաշտպանական միավորումների զինյալները Իրանի Մերիվան քաղաքում հարձակվել են զինվորական պարեկակետի վրա:
Թուրքական dogruhaber լրատվակայքը, հղում անելով BBC Farsça-ին, տեղեկացնում է, որ հարձակման հետևանքով սպանվել է 20 իրանցի զինվոր:
Նշվում է, որ դեպքի վայր են մեկնել Իրանի Քուրդիստան նահանգի անվտանգության աշխատակիցները: Վերջիններս մարդկային կորուստներ չեն ունեցել: Այժմ պարզվում է տեղի ունեցածի մանրամասները:
Նշենք, որ Արևելյան Քուրդիստանի պաշտպանական միավորումների զինյալները նախկինում մտնում էին ՔԲԿ-ի հետ կապված Քրդական համայնքների միության (KCK) զորաջոկատների մեջ:
Օրերս լուրեր էին տարածվել, որ Արևելյան Քուրդիստանի պաշտպանական միավորումների զինյալները իրականացրել էին հարձակում Իրանի Քիրմանշահ նահանգում, որի հետևանքով 12 իրանցի զինվոր էր սպանվել: Հարձակման ժամանակ սպանվել էր նաև Իրանի իսլամական հեղափոխության պահապանների կորպուսի հրամանարը: Սակայն այդ լուրը պաշտոնապես չէր հաստատվել:
http://www.ermenihaber.am/am/news/2015/08/08
Leave a Reply