Սիլոփում քուրդ գրոհայինները կրակ են բացել թուրք ժանդարմների վրա. կան զոհեր և վիրավորներ

Թուրքիայի Շըրնաք նահանգի Սիլոփ շրջանի Բաշաք և Բարբարոս թաղամասերում  Քուրդիստանի բանվորական կուսակցության (ՔԲԿ-PKK) երիտթև համարվող Հայրենասեր հեղափոխական երիտասարդության շարժման (YDG-H) զինյալների ու տեղի թուրքական ոստիկանական ուժերի միջև տեղի է ունեցել զինված բախում, որի հետևանքով ոչ պաշտոնական տվյալներով կան զոհեր և վիրավորներ:

Ըստ թուրքական Dogan լրատվական գործակալության` բախման հետևանքով 2 հոգի զոհվել է, 10 հոգի՝ վիրավորվել: Նշվում է, որ զոհերից մեկը եղել է ոստիկան:

Քուրդ գրոհայինները զինված են եղել  երկարափող զենքերով և ականանետերով: Նրանք կրակ են բացել  թուրքական ժանդարմերիայի  ջոկատների ուղղությամբ՝ փորձելով խոչընդոտել զինմեքենաների մուտքը  թաղամաս: Բախումների ընթացքում հրկիզվել են թաղամասի մի շարք տներ: 

http://www.ermenihaber.am/am/news/2015/08/07