Ցեղասպանության մասին «Խոստումը» ֆիլմում հայ քահանայի դերը կմարմնավորի մեքսիկացի դերասանը

Հայոց ցեղասպանության մասին պատմող «Խոստումը» ֆիլմի դերասանական կազմին է միացել մեքսիկացի դերասան Դանիել Խիմենես Կաչոն (Daniel Giménez Cacho), ով Իսպանիայում նկարահանումներին կմիանա հոկտեմբերին, գրում է Tert.am-ը:
Մեքսիկական Excelsior.com-ի փոխանցմամբ՝ Հայոց ցեղասպանության մասին պատմող «Խոստումը» ֆիլմի դերասանական կազմին է միացել մեքսիկացի դերասան Դանիել Խիմենես Կաչոն (Daniel Giménez Cacho), ով Իսպանիայում նկարահանումներին կմիանա հոկտեմբերին:
Մեքսիկացին կմարմնավորի հայկական եկեղեցու քահանայի դերը։
«Դա մեծ ֆիլմ է, որում կերտելու եմ հայ քահանայի դեր, ով դիմադրության պատասխանատուն էր: Նա մի տղամարդ էր, որը կազմակերպեց ժողովրդի դիմակայությունն ու բարձրացավ լեռը` 4000 մարդու հետ միասին դիմադրելով թուրքական բանակի հարձակումներին: Խոսելու եմ անգլերեն, բայց հայկական շեշտադրությամբ, դեռ պետք է սովորեմ»,- ասել է Դանիել Խիմենես Կաչոն:
Ֆիլմում պատմվում է, թե ինչպես է լեռը բարձրացած մարդկանց հաջողվում փրկվել ֆրանսիական նավի օգնությամբ (Ֆիլմի սցենարից կարելի է հասկանալ, որ խոսքը Մուսա լեռան դիմադրության մասին է – Tert.am):
«Խոստումը» ֆիլմի ռեժիսորն է իռլանդացի Թերի Ջորջը, ով 2004-ին նկարահանել է Ռուանդայի ցեղասպանության մասին պատմող «Ռուանդա հյուրանոց» ֆիլմը, իսկ գլխավոր դերերում հանդես են գալու նաև բրիտանացի Քրիստիան Բեյլը` ամերիկացի լրագրողի դերում, գվատեմալացի Օսկար Այզեքը` ուսանող բժշկի դերում և կանադուհի Շառլոտա Լեբոնը:
Ֆիլմի նկարահանումները կսկսվեն հոկտեմբերին և կտևեն 15 շաբաթ: Ֆիլմը նկարահանվելու է անգլերենով:
Hayernaysor.am