Ընդդիմադիր գործիչ. «Կոալիցիա կազմելու վերաբերյալ վերջնական որոշում կայացնողը Դավութօղլուն է»

Թուրքիայի ընդդիմադիր Ժողովրդահանրապետական կուսակցության (CHP-ԺՀԿ) քարտուղար Հալուք Քոչը կուսակցության ղեկավար խորհրդի ժողովից հետո հանդես է հայտարարությամբ` անդրադառնալով կոալիցիա կազմելու հարցին: Նա ասել է, որ իրենք իշխող կուսակցության հետ մի շարք հարցերում համաձայնության են եկել, իսկ վերջնական որոշումը վարչապետ Դավութօղլուն է կայացնելու:

Ըստ թուրքական «haber7» լրատվական կայքի` ԺՀԿ քարտուղարը նշել է, որ «Արդարություն և զարգացում» (ԱԶԿ-AKP) ու Ժողովրդահանրապետական կուսակցությունների միջև բանակցային գործընթաց է սկսվել:

«Բանակցությունների ընթացքում վերահաստատեցինք մեր այն դիրքորոշումը, ինչը ունեինքն ընտրություններից առաջ: Բնականաբար տարաձայնություններ կան, սակայն կան  նաև կարևոր կետեր, որոնց շուրջ համաձայնություն ունենք: Մենք այդ բանակցություններում որոշում կայացնող չենք: Իսկ պարոն վարչապետի որոշումը դեռևս հայտնի չէ, դրա համար էլ դեռևս արդյունքների մասին էլ չենք կարող խոսել»,-ասել է Հալուք Քոչը:

http://www.ermenihaber.am/am/news/2015/08/05/CHP-AKP-kolasion/63195