Արաբական պետությունների լիգան քննադատում է Թուրքիային

Արաբական պետությունների լիգան քննադատել է Թուրքիային՝ Հյուսիսային Իրաքում «Քուրդիստանի բանվորական կուսակցության» (ՔԲԿ- PKK) դեմ իրականացրած ռազմաօդային գործողությունների համար:

Թուրքական «Milliyet»  պարբերականի համաձայն՝ Արաբական լիգայի գլխավոր քարտուղար Նաբիլ Ալ Արաբին թեմայի վերաբերյալ գրավոր հայտարարություն է տարածել, որտեղ Թուրքիային կոչ է արվում «հարգանք դրսևորել Իրաքի ողջ տարածքի սուվերենության, բարիդրացիական հարաբերությունների և երկու երկրների միջև  ձեռք բերված համաձայնությունների նկատմամբ ու չնպաստել լարվածության մեծացմանը»:

Իսկ Քաթարի պաշտոնական լրատվական գործակալություն QNA-ն հրապարակել է Քաթարի արտգործնախարարության տարածած հայտարարությունը, որում ընդգծվում է, որ Ալ Արաբին Թուրքիայի վերաբերյալ իր վերոհիշյալ մեկնաբանությունն արել է արաբական երկրների մասնակցությամբ իրականացվող ժողովի ժամանակ: Միաժամանակ նշվել է, որ Դոհան աջակցում է Թուրքիային՝ իր սահմանները պաշտպանելու, անվտանգության և կայունության պահպանման համար ձեռնարկած միջոցների և քայլերի հարցում:

Քաթարի ԱԳՆ-ի հրապարակած հայտարարությունում անհամաձայնություն և քննադատություն է արտահայտվել Արաբական պետության լիգայի գլխավոր քարտուղարի հայտարարության վերաբերյալ:

http://www.ermenihaber.am/am/news/2015/08/05