Թուրքիայում իրաքյան նավթամուղ է պայթեցվել

Թուրքիայում վերացնում են երկրի հարավ-արևելքում գտնվող նավթատար խողովակաշարի հզոր պայթյունի հետևանքները:

Ինչպես տեղեկացնում է Корреспондент-ը` պայթյունը տեղի է ունեցել սահմանամերձ Շըրնակ նահանգում գտնվող Քերքյուկ-Յումուրթալըք նամթամուղում, որով Իրաքի հյուսիսային Քերքյուկ քաղաքից նավթ է մատակարարվում Թուրքիայի Յումուրթալըք նավահանգիստ: Դեպքի վայր են ժամանել հրշեջներ և փրկարարներ, որոնց հաջողվել է մեկուսացնել հրդեհը և կանխել նավթի արտահոսքը:

Դեռևս ոչ ոք պատասխանատվություն չի ստանձնել պայթյունի համար:

Թուրքիայի էներգետիկայի և բնական ռեսուրսների նախարար Թաներ Յըլդըզը կարծիք է հայտնել, որ պայթյունը քուրդ անջատողականների իրականացրած դիվերսիայի արդյունքն է:

http://www.tert.am/am/news/2015/07/30/turkey-iraki-pipeline/1750366