Էրդողանի եւ «Իսլամական պետության» միջեւ կապերի մասին փաստաղթերը հայտնվել են ԱՄՆ ձեռքին

Բրիտանական The Guardian պարբերականի Մերձավոր Արեւելքի թղթակից Մարտին Չուլովը թուրքական “Bir Gün” պարբերականի թղթակցի հետ զրույցում հայտնել է, որ թուրքական իշխանությունների եւ ահաբեկչական «Իսլամական պետության» միջեւ համագործակցության մասին փաստաթղթերը հայտվել են ամերիկյան կողմի ձեռքին:

Թուրքական “Bir Gün”-ի հետ զրույցում Մարտին Չուլովը պատմել է` ԱՄՆ զինվորականների գործողությունների արդյունքում «Իսլամական պետության» նավթի վաճառքի հարցերով պատասխանատուին սպանելու ժամանակ հայտնաբերվել են մեծ թվով թղթային եւ թվային փաստաթղթեր, որոնցում բացահայտվում է Անկարայի եւ ԻՊ-ի միջեւ համագործակցությունը:

Մարտին Չուլովը շեշտել է, թե ԱՄՆ-ն այդ փաստաթղթերը չի բացահայտնի աշխարհին, այլ` դրանք Թուրքիայի դեմ որպես հաղթաթուղթ կօգտագործի պետք եղած ժամանակ:

Բրիտանացի լրագրողը հիշեցրել է նաեւ, որ թուրքական անվտանգության ուժերը խիստ գաղտնիության տակ են պահում, թե Թուրքիայից կոնկրետ ովքեր են նավթ գնում իսլամիստ-ահաբեկիչներից` շեշտելով, որ 2012-ից սկսած Թուրքիան աչք է փակում Ասադի դեմ կռվելու համար Սիրիա անօրինական մտնողների վրա:

Նա նաեւ նշել է, թե Թուրքիան ԻՊ-ի հետ ունի համատեղ շահեր` քրդերի եւ Ասադի դեմ ճնշումների հարցում:

http://news.am/arm/news/279102.html