Հայոց ցեղասպանության 100–րդ տարելիցին նվիրված` Արարատի գագաթին 100 մետրանոց եռագույն կծածանվի

Հայաստանի մեծ ու փոքր քաղաքներում և գյուղերում, Եվրոպայի և Ռուսաստանի բազմաթիվ բնակավայրերում ծածանված, Հայոց ցեղասպանության 100–րդ տարելիցի նվիրված` 100 մետր երկայնք ունեցող hայոց եռագույնը շատ շուտով կլինի նաև Արարատի գագաթին, հաղորդում է «Տիգրան Մեծ» բարեգործական հիմնադրամը:

Դրոշը կծածանվի հայկական քոչարիի երաժշտության ներքո: Միաժամանակ Արարատի գագաթին շուրջպար կբռնի Գագիկ Գինոսյանի գլխավորությամբ Արարատի բարձրունքում գտնվող պարախումբը: Արցախյան ազատամարտի մասնակից, ֆոտոլրագրող Սրապիոն Գևորգյանն էլ 100 մետրանոց եռագույնի հեղինակն է:
Տվյալ պահին, ուխտավորների խումբը հաղթահարում է Արարատ լեռան 5165 մետրանոց բարձրունքը:

Հավելենք, որ «Տիգրան Մեծ» հիմնադրամի նախագահի պատրաստած 15 մետրանոց եռագույնը 2014թ. ամռանը բարձրացել է Արարատի գագաթ, իսկ Հայոց ցեղասպանության խորհուրդը կրող 100 մետրանոց եռագույնը նախատեսվում էր Արարատ բարձրացնել 2015թ. ապրիլի 24-ի նախօրեին, սակայն այդ ժամանակաշրջանում առաջ եկած մի շարք խնդիրների պատճառով նախաձեռնությունն իրականացնել չհաջողվեց:

http://armeniangenocide100.org/100-meter-armenian-tricolor-to-wave-on-top-of-mount-ararat/