Ահաբեկչական խմբավորումները Թուրքիայի տարածքում ահաբեկչություններ են նախապատրաստում, գրում է թուրքական Vatan պարբերականը՝ երկրի հետախուզական ծառայությանը հղումով։
Հետախուզության աղբյուրի տվյալներով՝ Քուրդիստանի աշխատավորական կուսակցության սիրիական թևը համարվող PYD-ի անդամները, փախստականների անվան տակ, ներթափանցել են Թուրքիա և ահաբեկչություններ են պատրաստում ռազմական օբյեկտների ու ոստիկանական բաժանմունքների դեմ։
Հաղորդվում է, որ Սիրիայից այդ նպատակով Թուրքիայի տարածք է անցել ավելի քան 90 զինյալ։
Թերթի տվյալներով՝ քուրդ զինյալների ակտիվացման պատճառը Թուրքիայի օդուժի կողմից Իրաքի քուրդ զինյալների դեմ իրականացված գործողությունն է։
Հիշեցնենք, որ Թուրքիայի զինուժը հուլիսի 25-ին խոշոր ռազմաօդային գործողություն էր սկսել Իրաքի հյուսիսում գտնվող քրդերի ճամբարի մոտակայքում։ Գործողության մասին այլ մանրամասներ չեն հաղորդվում։
http://www.tert.am/am/news/2015/07/27/terrorism-turkey/1747777
Leave a Reply