«Իսլամական պետությունը» սպառնացել է նոր ահաբեկչություններ իրականացնել Թուրքիայում

«Իսլամական պետություն» ահաբեկչական խմբավորման գրոհայիններն ու նրանց համախոհները սպառնացել են Թուրքիայի տարածքում նոր ահաբեկչություններ իրականացնել:

Ինչպես նշում է Gazeta.ru-ն, այս մասին նախազգուշացրել են սոցկայքերում ահաբեկիչների ակտիվության հարցերով զբաղվող SITE կազմակերպության փորձագետները։

Աղբյուրը մանրամասնում է, որ տվյալ նախազգուշացումը տարածվել է, երբ հայտնի է դարձել, որ թուրքական կործանիչները ռմբակոծել են ԻՊ-ի գրոհայինների դիրքերը Սիրիայում:

Ավելի վաղ հաղորդվել է, որ Թուրքիայի իշխանությունները երկրում առկա ավիաբազաները տրամադրել են ԱՄՆ-ին ու դաշնակից պետություններին` ԻՊ-ի դիրքերը ռմբակոծելու համար։

http://www.tert.am/am/news/2015/07/25/isis-turkey/1746455