Օբաման և Էրդողանը որոշել են կասեցնել օտարերկրյա զինյալների մուտքը Սիրիա

ԱՄՆ նախագահ Բարաք Օբաման Թուրքիայի նախագահ Ռեջեփ Թայիփ Էրդողանի հետ պայմանավորվել են կասեցնել օտարերկրյա զինյալների մուտքը և ապահովել Թուրքիայի և Սիրիայի սահմանի անվտանգությունը:

Ինչպես տեղեկացնում է РИА Новости գործակալությունը, այդ մասին ասված է Սպիտակ տան տարածած հաղորդագրության մեջ:

«Առաջնորդները քննարկել են համագործակցության ընդլայնմանն ուղղված ջանքերը՝ օտարերկրյա զինյալների հոսքը դադարեցնելու և Թուրքիայի ու Սիրիայի միջև սահմանի անվտանգությունն ապահովելու հարցերում»,-ասված է հաղորդագրության մեջ, որը տարածվել է նախագահների հեռախոսազրուցից հետո:

Օբաման հաստատել է ԱՄՆ-ի հանձնառությունը՝ Թուրքիայի անվտանգության ապահովման առումով:
«Նախագահները պայմանավորվել են շարունակել համագործակցությունն այս և այլ տարածաշրջանային հարցերում»,-ասված է հաղորդագրության մեջ:

http://www.tert.am/am/news/2015/07/23/obama-erdoghan/1742517