Թուրքական ոստիկանությունն ուժ է կիրառել ահաբեկչության դեմ ցույցը ցրելու համար

Ստամբուլի ոստիկանությունը ջրցան մեքենաներ ու արցունքաբեր գազ է կիրառել Թուրքիայի Սուրուչ քաղաքում տեղի ունեցած ահաբեկչության դեմ կազմակերպված ցույցը ցրելու համար:

Ինչպես տեղեկացնում է թուրքական Hurriyet կայքը, Ստամբուլի կենտրոնում կայացած ցույցին մասնակցել են հազարավոր մարդիկ, որոնք դժգոհել են ինչպես ահաբեկչությունից, այնպես էլ թուրքական կառավարության քաղաքականությունից, որոնք, նրա համոզմամբ, նպաստում են ահաբեկչությանը:

Ոստիկանությունը նախ չի խոչընդոտել ակցիային, ապա ջրցան մեքենաներ և արցունքաբեր գազ է կիրառել՝ ցույցը ցրելու համար: Մեկ մարդ վիրավորվել է: Ձերբակալվածների մասին չի հաղորդվում:

http://www.tert.am/am/news/2015/07/21/turkeuy/1739946