Հայ լրագրողը դատի է տվել հայերին վիրավորած Անկարայի քաղաքապետին

Ստամբուլահայ լրագրող Հայկո Բաղդատը դատական հայց է ներկայացրել «հայ» բառը վիրավորանք համարած Անկարայի քաղաքապետ Մելիհ Գյոքչեքի դեմ։

Ինչպես տեղեկացնում է Ստամբուլի հայկական «Ակoս»-ը, Անկարայի քաղաքապետ Մելիհ Գյոքչեքի դեմ հայ լրագրող Հայկո Բաղդատի հայցում նշվել է, որ քաղաքապետի հայտարարությունը ատելություն է սերմանում եւ վիրավորանք է հայերի հասցեին։

Նշենք, որ դեռեւս 2015-ի մարտին Հայկո Բաղդատը մի առիթով Twitter-ում գրել էր «Մայրաքաղաքը հայի են հանձնել։ Ցավակցում եմ», որից հետո Անկարայի քաղաքապետը հայտարարություն է տարածել՝ իրեն հայ անվանելը որպես վիրավորանք ընդունելով։

Անկարայի քաղաքապետը դիմել էր դատարան՝ պնդելով, որ իրեն «հայ» անվանելով՝ վիրավորել են։ «Ժողովրդի կողմից այդքան սիրված, հարգված մեկի հանդեպ գարշանք պարունակող իմաստով օգտագործվող նման բառ ասելը անձնական վիրավորանք է եւ նրան ձայն տված, աջակցած եւ սիրած բոլորի անձանց հանդեպ՝ անարգանք»,-նշվել է Մելիհ Գյոքչեքի փաստաբանի հայտարարության մեջ։

http://news.am/arm/news/277075.html