Ադանայի շրջանում հայտնաբերվել է աստվածաշնչյան տեքստով խճանկար

Թուրքիայի հարավում գտնվող Ադանայի վարչական շրջանում հնագետները հայտնաբերել են աստվածաշնչյան հունարեն տեքստով խճանկար, որը զբաղեցնում է 120 քառակուսի մետր տարածք, գրում է Artsakhpress-ը:

Տեղական BGN News պորտալի փոխանցմամբ՝ 15մ երկարությամբ և 8մ լայնությամբ խճանկարի վրա պատկերված են նաև 16 ընտանի և վայրի կենդանիներ՝ գայլ, հովազ, ոչխար, օձ, ցուլ:

Խճանկարի վրա կան Եսայի մարգարեից մեջբերումներ. «Գայլն ու գառը կարածեն միասին, առյուծը խոտ կուտի, օձի համար մոխիրը սնունդ կդառնա. նրանք վնաս չեն հասցնի Իմ սուրբ լեռան ողջ տարածքում՝ ասում է Տերը»:

Պեղումները կատարվում են Ադանայի նահանգի 15 վայրերում՝ նոր կառուցվող թանգարանի համար ցուցանմուշներ գտնելու նպատակով:

Hayernaysor.am