«Հայերեն չըմ գինը» ֆիլմի ցուցադրություն և ֆիլմի հեղինակի հետ հանդիպում` Արևմտահայոց հարցերի ուսումնասիրության կենտրոնում

Արևմտահայոց հարցերի ուսումնասիրության կենտրոնը սույն թվականի հուլիսի 15-ին, ժամը 18:30-ին կազմակերպում է «Հայերեն չըմ գինը» վավերագրական ֆիլմի ցուցադրություն և հանդիպում ֆիլմի հեղինակի` Սոֆյա Հակոբյանի հետ:

Հայոց ցեղասպանության 100-ամյա տարելիցին նվիրված սույն ֆիլմի նկարահանումներն անցկացվել են Սասունում, Ստամբուլում, ՀՀ Թալինի շրջանում, Գյումրիում և Երևանում: Արևմտյան Հայաստանի Սասուն շրջանի իսլամացած հայերին նվիրված ֆիլմում առկա է հետևյալ հարցադրումը. «Ի՞նչ պատահեց այն որբերին, ովքեր չհեռացան հայրենի երկրից: Պատմագրության մեջ նրանք չեն հիշատակվում ոչ մահացածների, ոչ էլ փրկվածների շարքում…»:

Հրավիրում ենք բոլոր ցանկացողներին:
Հասցե` ք. Երևան, Գյուլբենկյան 38, 5-րդ հարկ:
Հեռախոս` (010) 32 04 49

Akunq.net