Թուրք ընդդիմադիր առաջնորդը կասկածում է կոալիցիոն կառավարության ստեղծման հաջողությանը

Թուրքիայի ընդդիմադիր Ժողովրդահանրապետական կուսակցության ղեկաքվար Քեմալ Քըլըչդարօղլուն հայտարարել է, որ կասկածում է կոալիցիոն կառավարություն ստեղծելու բանակցությունների հաջող արդյունքին. գրում է «Անադոլու» գործակալությունը:

Նա նշել է, որ բանակցությունների առաջին փուլն արդյունքի չի հանգեցնի, սակայն, հնարավոր է` լավ արդյունքներ գրանցվեն երկրորդ փուլում:

Նախօրեին Թուրքիայի նախագահ Ռեջեփ Թայիփ Էրդողանը վարչապետ Ահմեթ Դավութօղլուին պաշտոնապես հանձնարարել էր ձևավորել նոր կառավարություն:

Կառավարության ստեղծման մասին բանակցությունները պաշտոնապես կմեկնարկեն հաջորդ շաբաթ:

Ավելի վաղ Քըլըչդարօղլուն կառավարության մաս կազմելու համար իր պայմաններն էր ներկայացրել՝ պահանջելով վարչապետի, արդարադատության, ներքին գործերի և կրթության նախարարների պաշտոնները:

http://www.tert.am/am/news/2015/07/10/turk/1729847