Ադանայի ազգայնամոլ քաղաքապետը վիրավորել է ընտրված հայ պատգամավորներին

Թուրքիայի Ազգայնական շարժում (MHP) կուսակցության անդամ քաղաքապետերի` ռասիզմ եւ ատելություն պարունակող հայտարարություններին ավելացել է եւս մեկը։

Ինչպես տեղեկացնում է Ստամբուլի հայկական «Ակoս»-ը, Ադանայի քաղաքապետ, MHP-ի անդամ Հուսեյն Սոզլուն Twitter-ի իր էջում փորձել է վիրավորել հայ պատգամավորներին՝ օգտագործելով Թուրքիայի հասարակաց տների ցանցի նախկին սեփականատեր Մաթիլդա Մանուկյանի անունը։

«Ադանայում ապրող Մանուկյանի զարմիկը երջանիկ է։ Երեք մորաքույրի երեխաներ եւս մտան խորհրդարան։ Արդարություն եւ զարգացում կուսակցությունից. Ժողովրդահանրապետականից եւ Ժողովուրդների դեմոկրատական կուսակցությունից։ Ինչքան էլ հպարտանան` քիչ է»,-գրել է Ադանայի ազգայնամոլ քաղաքապետը։

Ռասիստական այս գրառումից հետո Twitter-ի օգտատերերը խիստ քննադատել են այս գրառումը, որից հետո քաղաքապետը ջնջել է այն, սակայն մեկ այլ ռասիստական գրություն է արել. «Թուրքիայի խորհրդարանում «թուրքերը ցեղասպանություն են արել» ասողների հանդեպ քաղաքավարություն չենք կարող դրսեւորել»։

http://news.am/arm/news/275219.html