Քամփ Արմենի սեփականաշնորհման փաստաթուղթը առկախված է

Ստամբուլի Թուզլա թաղամասում գտնվող հայկական որբանոցը «Գեդիկ փաշայի» բողոքական եկեղեցու հիմնադրամին հանձնվելու գործընթացն առկախված է: Քամփ Արմենի ճամբարի սեփականատեր Ուլուսոյը, որը հայտարարել էր, որ Ստամբուլի Թուզլա թաղամասում գտնվող հայկական որբանոցը պետք է հանձնի «Գեդիկ փաշայի» բողոքական եկեղեցու հիմնադրամին, ասաց, որ որոշ հարցերի ու ստեղծված հաղթանակի մթնոլորտի պատճառով սեփականաշնորհման փաստաթուղթը առկախված է:
Քամփ Արմենի շենքի քանդումը, որտեղ Հրանտ Դինքի եւ նրա կնոջ գլխավորությամբ` բազմաթիվ հայ որբեր են մնացել, մեծ արձագանք է ստացել, այդ պատճառով տարածքի սեփականատեր հանդիսացող «Ուլուսոյ» շինարարական կազմակերպության տնօրեն Ուլուսոյը հունվար ամսին տեղեկացրել էր, որ սեփականաշնորհման փաստաթուղթը պետք է նվիրաբերի բողոքական եեկեղեցու հիմնադրամին:
«Հարգանքով տեղեկացնում եմ, որ մեր երկրի սոցիալական խաղաղության եւ միասնականությանն աջակցելու նպատակով եւ հույսով եմ նվիրաբերում այս տարածքը «Գեդիկ փաշայի» հայկական բողոքական եկեղեցու հիմնադրամին»,-ասել էր Ուլուսոյը:
Սակայն մինչեւ այժմ նվիրաբերման գործընթացը չի իրականացվել: Ուլոսոյը թուրքական «Վաթան» թերթին տված հարցազրույցում բացատրել է, թե ինչու ճամբարի տարածքը մինչեւ հիմա չի սեփականաշնորհել:
«Եկեղեցու հիմնադրամի պաշտոնյաների հետ խոսելիս ասացի, որ պայմանական նվիրատվություն եմ կատարելու «այն պայմանով, որ տարածքը մնա իր էությանն համահունչ», սակայն հիմնադրամի պաշտոնյաները ասացին. «պայման չենք ընդունում», արդյունքում իրենց նպատակը ճամբարը չի. «ասում են, որ այն բարոյական արժեք ունի», մեր անհամաձայնությունները սրանք են, բացի դրանից, երբ ես նվիրաբերման որոշումը ասացի, լուրեր տարծվեցին, որ հայերը հաղթեցին: Ես եմ նվիրաբերողը, բայց թե ինչ հաղթանակի մասին է՝ չհասկացա»:
Ուլուսոյը ասել է, որ նվիրատվության մասին լուրի տարածումից հետո տարբեր արձագանքների է հանդիպել. «Դուք էլ գիտեք, որ Թուրքիայում տարբեր խմբեր կան. «Հայերին նվիրաբերում ես, մեզ էլ նվիրաբերիր»,-ասողներ կան: Ստամբուլում ապրողն էլ, Անատոլիայում ապրողն էլ, բոլորն էլ արձագանքում են: Կարճ ասած նվիրաբերման հարցն այդպես էլ մնաց: Սեփականաշնորհման թուղթը պետք է տայինք, սակայն հիմա բանակցում ենք` արդյոք վաղը կամ մյուս օրը այլ խնդիրներ կծագեն, թե չէ: Խառը իրավիճակ է, սակայն այս շաբաթ կհստակեցվի, այդ պատճառով որոշ ժամանակ այս հարցը առկախեցինք, չեղյալ չհամարեցինք, սակայն չտվեցինք էլ»:
Իսկ որբանոցում մնացող եւ Հրանտ Դինքի ընկեր Կարապետ Օրոնյուզը, «Վաթան» թերթին ասել է, որ իրենց` Թուրքիայում ընտրությունների ժամանակ օգտագործում են ուղղակի որպես «ապրանք»:
«Մեզ տեսան միայն որպես ընտրություններում օգտագործելու, իրենց գովազդելու «ապրանք», մենք պահանջատերերից ենք, սակայն նրանք փորձում են մեր հիշողությունները զրոյացնել, իսկ ճամբարն արդեն հիշողություններից ջնջված է»,-ասել է նա:
http://news.am/arm/news/274005.html