Եւրոպայի Հայ դատի յանձնախումբի հաղորդակցութեանց պատասխանատու Պետօ Տեմիրճեան «Արմէնփրես» լրատու գործակալութեան յայտնած է, որ Հայոց ցեղասպանութիւնը ճանչցող բանաձեւի նախագիծը Պելճիքայի Ներկայացուցիչներու տան մէջ քուէարկութեան պիտի դրուի 7 յուլիսին:
Ըստ անոր, խորհրդարանին մէջ ներկայացուած կուսակցութիւնները 24 յունիսին քննարկած են Ֆլամանտական նոր դաշինք համախոհական կուսակցութենէն Փիթեր տը Ռուվերի ներկայացուցած բանաձեւի նախագիծը: Փաստաթուղթը բանակցային հանգրուանի մէջ է, եւ տակաւին լուրջ մշակման կարիք ունի: «Ընդդիմադիր ուժերը գոհ չեն նախագիծէն եւ կը քննադատեն կառավարութիւնը Անգարայի հետ համագործակցութեան մէջ, որովհետեւ բանաձեւը աւելի մեղմ է, քան վարչապետին յայտարարութիւնը: Կուսակցութիւնները իրենց առաջարկները պիտի ներկայացնեն նախագիծին վերաբերեալ` եւ ատոր իբրեւ արդիւնք պիտի ներկայացուի մէկ նախագիծ», բացատրած է Տեմիրճեան:
Յիշեցնենք, որ Պելճիքայի վարչապետ Շարլ Միշել 18 յունիսին Ներկայացուցիչներու տան լիագումար նիստին ընթացքին կառավարութեան եւ իր անունով ճանչցաւ Հայոց ցեղասպանութիւնը: Պելճիքայի Ծերակոյտը 1998-ին ճանչցած էր Հայոց ցեղասպանութիւնը:
http://www.aztagdaily.com/archives/246786
Պելճիքայի Ներկայացուցիչներու տունը 7 յուլիսին քուէարկութեան պիտի դնէ Հայոց Ցեղասպանութեան բանաձեւը
•
Leave a Reply