ԻԻՀ Մեջլիսի պատգամավոր. Հնարավոր է` առաջիկայում Իրանի կողմից Հայոց ցեղասպանության ճանաչելու դրսևորումներ նկատվեն

«Հնարավոր է` առաջիկայում Իրանի կողմից Հայոց ցեղասպանության ճանաչելու դրսևորումներ նկատվեն»,-այդ մասին իրանահայ համայնքի «Հայելի.քոմ» կայքի հաղորդմամբ՝ հայտարարել է Իրանի Մեջլիսի հայազգի պատգամավոր Կարեն Խանլարյանը, տեղեկացնում է Panorama.am-ը:

Հայազգի խորհրդարանականը, անդրադառնալով Իրանի կողմից Հայոց ցեղասպանությունը ճանաչելու հավանականությանը, մասնավորապես նշել է. «Շատ ակտիվ է աշխատում իրանահայ համայնքը. Այս տարի բողոքի ցույցեր կազմակերպվեցին: Պետությունն իր զորակցությունը հայտնում է բողոքի ցույցերին՝ դրանց անցկացման համար տալով համապատասխան թույլտվություն: Օրենսդիր մարմնի պատգամավորներն անգամ դատապարտող հայտարարություններ արեցին»:

Շարունակելով խոսքը՝ Կարեն Խանլարյանը հավելել է. «Քաղաքական լուրջ իրավիճակ է` կապված «Իսլամական պետության» գործողությունների, Թուրքիայի դերի հետ: Բայց ես չեմ բացառում, որ երբ հաղթահարվի քաղաքական այս լուրջ իրավիճակը, առաջիկայում Իրանի կողմից լսենք դատապարտող խոսք կամ Ցեղասպանությունը ճանաչելու դրսևորումներ»:

http://armeniangenocide100.org/majlis-mp-tendencies-to-recognize-armenian-genocide-may-be-observed-in-iran-soon/