Պարզվել է, որ Թուրքիայի Ազգային մեծ ժողովում տեղի ունեցած երդման արարողության ժամանակ «Մեծ թուրք ազգ» արտահայտության փոխարեն «Թուրքիայի մեծ ազգ» արտաբերած պատգամավորը, ով ընտրվել էր Ժողովուրդների ժողովրդավարական կուսակցության ընտրացուցակով (HDP), հայ է:
Այդ մասին հաղորդում է Akunq.net-ը` վկայակոչելով թուրքական լրատվամիջոցները:
Աղբյուրի համաձայն` ԹԱՄԺ-ում կայացած երդման արարողության ընթացքում որոշ պատգամավորներ, երդման տեքստի մեջ սխալներ թույլ տալով, հարկադրված են եղել կրկնել իրենց ելույթը: Այդ պատգամավորներից մեկն էլ եղել է Ժողովուրդների ժողովրդավարական կուսակցության ընտրացուցակով պատգամավոր դարձած Մեհմեդ Ալի Արսլանը` Մարդինից, ով «Մեծ թուրք ազգ» արտահայտության փոխարեն արտաբերել է «Թուրքիայի մեծ ազգ» խոսքը: Որոշ պատգամավորներ իրենց դժգոհությունն են արտահայտել դրա կապակցությամբ, և Մեհմեդ Ալի Արսլանը ստիպված է եղել կրկնել երդման տեքստը:
Akunq.net
Leave a Reply