Թեհրանի մէջ ցուցադրուած է «Փրկութեան Քարտէզ» շարժանկարը

Հայոց Ցեղասպանութեան 100-րդ տարելիցի ձեռնարկներու ծիրէն ներս երկու օր շարունակ հայերու եւ իրանցիներու համար Թեհրանի մէջ ցուցադրուած է «Փրկութեան քարտէզ» շարժանկարը, որ կը պատմէ Հայոց Ցեղասպանութեան մասին:

Ըստ Թեհրանի «Ալիք» օրաթերթի` շարժանկարի ցուցադրութենէն ետք տեղի ունեցած է քննարկում, որուն մասնակցած են նաեւ իրանցի երիտասարդ բեմադրիչներ:

«Փրկութեան քարտէզ»-ը փաստագրական շարժանկար է, որ կը պատմէ եւրոպացի 5 հումանիստ կանանց մասին, որոնք Հայոց Ցեղասպանութեան ականատես եղած են եւ իրենց կեանքի լաւագոյն տարիները նուիրած են Հայոց Ցեղասպանութենէն հրաշքով փրկուած հայ երեխաներուն եւ կանանց:

http://www.yerakouyn.com/?p=84138