Եվրոպան զգուշացնում է Թուրքիային. հեռանկարում Հայաստանը լուրջ փորձություն է

Թուրքիայում հունիսի 7-ի խորհրդարանական ընտրությունների արդյունքում ստեղծվեց պատմական մի իրավիճակ, երբ միայն Թուրքիայի խորհրդարանական 25-րդ ընտրություններին քրդական կուսակցության 80 պատգամավորները հաջողեցին մտնել Մեծ Մեջլիս և այդ երկրի կառավարման համակարգի վրա լուրջ ազդեցություն ակնկալել:

Անկախ նրանից ,թե առաջիկայում ինչ քաղաքական գործընթացներ կգնան Թուրքիայում, ինչ կարգով կառավարություն կձևավորվի, Թուրքիան այլևս նույնը չի լինի ինչ էր հունիսի 6-ին, 10 տարի առաջ, 50 տարի առաջ … և այլն:

Նույնը չի լինի, բայց նաև դժվար է կանխատեսելը, թե ինչ կարգի պետություն կլինի: Քրդական քաղաքական հաղթանակը ի չիք դարձրեց Աթաթուրքի կողմից հիմնադրված և տասնյակ տարիներ շարունակվող քրդերի ուծացման ծրագրին և դրանով իսկ վերջ է դրվելու նաև արհեստածին թուրք ինքնությանը:

Պետության անունը կլինի Թուրքիա, սակայն ոչ հեռու ապագայում այնտեղ ապրողներին այլևս թուրքեր չեն անվանի, այլ ՝ Թուրքիայի քաղաքացիներ:

Անգամ Եվրոպայի փորձառու դիվանագետները չեն կարողանում կանխատեսել, թե ինչ Թուրքիա պետություն է լինելու մոտ ապագայում:

Երևում է թուրքագիտությունը սկսելու ենք զրոյից:

Շվեդիայի նախկին արտագործնախարար Կառլ Բիլդտը (CARL BILDT) վերլուծական հոդված է հրապարակել Project-Syndicate պարբերականում, ուր նա հստակ նշում է, որ հունիսի 7-ի ընտրություններից հետո Թուրքիան մտավ « չքարտեզագրված աշխարհագրությամբ քաղաքական տարածք »: Երևի ավելի հաջող հնարավոր չէր բնութագրել իրավիճակը:

Սակայն Կառլ Բիլդտը նաև զգուշացնում է, որ ինչ կարգի պետություն էլ որ լինի Թուրքիան և ինչ կառավարություն էլ որ այն կառավարի, պարտավոր է բարելավել հարաբերությունները Հայաստանի հետ: Ինչն էլ իր հերթին թույլ կտա: խաղաղություն հաստատել Հայաստանի և Ադրբեջանի միջև:

Կառլ Բիլդտը նաև զգուշացնում է Թուրքիային , որ շարունակվող շրջափակումը (Հայաստանի) և ռազմական դիմակայությունը կարող է ոչ ցանկալի զարգացումներ ունենալ, ինչը չի բխում թուրքական շահերից՝ երկարաժամկետ հեռանկարում, և կարող է շատ լուրջ և բացասական ազդեցություն ունենալ Թուրքիայի վրա:

Եթե փոքր ինչ խորանանք եվրոպացի դիվանագետի վերլուծության մեջ, ապա Հայաստան-Ադրբեջան ռազմական բախումից լուրջ տուժող կողմ է լինելու նաև Թուրքիան:

http://www.armweeklynews.am/w/wp/p1146.php