«Սի.Էն.Էն. Թիւրք» կը հաղորդէ, որ Թուրքիոյ փոխվարչապետ Պիւլենթ Առընչ Պոլսոյ մէջ Ս. Խաչ դպրեվանքի տարեշրջանի աւարտի ձեռնարկին մասնակցած է եւ յայտարարած, որ հայերը հարիւրամեակներէ ի վեր Թուրքիոյ անբաժան մասնիկներն են: Ան նաեւ անդրադարձած է Հայոց ցեղասպանութեան հարցին:
«Այդ դէպքերուն ընթացքին բոլորս վնաս կրեցինք», ըսած է ան` նշելով, որ այժմ ամէն օր այդ ցաւալի իրադարձութիւնները յիշելու եւ ատոր մասին խօսելու ժամանակը չէ:
Առընչ նշած է, որ Թուրքիոյ հայ քաղաքացիները երկրին մէկ մասն են եւ առանց անոնց Թուրքիան պիտի ըլլար կիսատ:
Թուրքիոյ փոխվարչապետը խօսած է նաեւ Հայաստանի հետ յարաբերութիւններուն մասին: «Ես սկզբունքօրէն դրացի երկրի հետ զերօ խնդիր ունենալ կ՛ուզեմ: Դիւանագիտական յարաբերութիւններու ստեղծում, սահմանի բացում կ՛ուզեմ: Ատոր համար մենք որոշ քայլերու պէտք է ձեռնարկենք, սակայն ամէնէն շատ միւս կողմը, այսինքն` Հայաստանի կառավարութիւնը պէտք է ընէ: Վստահ եմ, որ օր մը այսպիսի աւարտական ձեռնարկի մը Հայաստանի վարչապետն ու նախարարները ներկայ պիտի ըլլան», ըսած է ան:
http://www.aztagdaily.com/archives/244833
Leave a Reply