Թուրք կուսակցապետն առաջարկել է առանց իշխող կուսակցության կոալիցիա կազմել

Թուրքիայի ընդդիմադիր Ժողովրդահանրապետական կուսակցության (CHP) առաջնորդ Քեմալ Քըլըչդարօղլուն ընտրությունների արդյունքները տեղեկանալուց հետո հանդես է եկել հայտարարությամբ։
Թուրքական CNNturk-ի հետ հարցազրույցում CHP-ի առաջնորդ Քեմալ Քըլըչդարօղլուն անդրադարձել է խորհրդարանական ընտրություններից հետո երկրում ստեղծված քաղաքական իրավիճակին։
Դավութօղլուի ղեկավարած Արդարություն եւ զարգացում (AKP) կուսակցության հետ կոալիցիա կազմելու հավանականությունը հերքող Քեմալ Քըլըչդարօղլուն առաջարկել է կոալիցիա կազմել Ազգայնական շարժում (MHP) եւ քրդական Ժողովուրդների դեմոկրատական կուսակցության (HDP) հետ, կամ էլ նրանցից մեկի հետ՝ ստանալով 3-րդ կուսակցության աջակցությունը։
«Ընտրություններն ավարտվեցին, եւ երկիրը չպետք է մնա առանց կառավարության։ Միակուսակցական տարբերակն այլեւս չստացվեց։ Ժողովուրդն ուզում է, որ համաձայնության գան կուսակցությունները, սակայն օրակարգում AKP-ն չկա»,-ասել է Քեմալ Քըլըչդարօղլուն։
Նշենք, որ հունիսի 7-ի Թուրքիայի խորհրդարանական ընտրությունների արդյունքում AKP-ն ստացել է 40.8, CHP-ն՝ 24.96, MHP-ն՝ 16.3 եւ քրդական HDP-ն՝ 13.1 տոկոս ձայն։
http://news.am/arm/news/270780.html