Թուրքիան հետ է կանչել Բրազիլիայում իր դեսպանին` Հայոց ցեղասպանության բանաձևի բերումով

Թուրքիայի ԱԳՆ-ն տեղեկություն է տարածել, որի համաձայն` Բրազիլիայում Թուրքիայի դեսպան Հուսեյն Դիրիյոզը հետ է կանչվել Անկարա` խորհրդակցությունների:

Հայտարարության մեջ նշվում է, որ Թուրքիան դատապարտում է Բրազիլիայի սենատի կողմից հունիսի 2-ին Հայոց ցեղասպանության առնչությամբ բանաձևի ընդունումը: Թուրքիայի դիրքորոշումը հայտնելու համար դեռ հունիսի 3-ին ԱԳՆ է կանչված եղել Թուրքիայում Բրազիլիայի դեսպանը:

Բրազիլիայի սենատի կողմից Հայոց ցեղասպանությունը ճանաչող բանաձևի ընդունումը Թուրքիայի ԱԳՆ-ն «բացատրել է» «հայկական լոբբիի» գործունեությամբ:

Ավելի վաղ թուրքական ԶԼՄ-ները հայտնել էին, որ Թուրքիան ընդհանուր առմամբ հետ է կանչել 8 երկրների իր դեսպանների, նրանց մի մասին` Հայոց ցեղաղասպանության ճանաչման կամ բարձրաձայնման բերումով:
http://www.tert.am/am/news/2015/06/09/brazil-amb-recalled/1700772