Հայերը, միասեռականները, լրագրողները «սադրիչներ» են. Թուրքիայի նախագահ

Թուրքիայի նախագահ Ռեջեփ Թայիփ Էրդողանը շարունակել է «հարձակումը» իրեն քննադատող խմբերի` հայերի, լրագրողների և սեռական փոքրամասնությունների դեմ:

Hurriyet Daily News – ը հայտնում է, որ Էրդողանը, մասնավորապես, ասել է, թե հայկական լոբբին, լրագրողները և միասեռականները «սադրիչների ներկայացուցիչներ» են: Էրդողանը այս մասին ասել է Բինգյոլում նախընտրական քարոզարշավի շրջանակներում:

Նշվում է, որ այս կերպ թիրախ է դարձվել Ժողովուրդների ժողովրդավարական կուսակցությունը, որը հանդես է գալիս քրդանպաստ ու հայանպաստ դիրքերից և այս ընտրություններում պայքարելու է խորհրդարանում իր տեղերի համար:

Աղբյուրը նշում է, որ վերջերս Էրդողանը քննադատել է մի շարք տեղական ու միջազգային լրատվամիջոցների, այդ թվում` Doğan Media Group-ը, Cumhuriyet-ը, New York Times-ը, CNN International-ը և BBC-ն:

http://www.tert.am/am/news/2015/06/03/journalists-armenians-gays-erdogan/1695969