«Սիրիայի հայերը» խորագրով գիտաժողով` Լիբանանում

Լիբանանում (Բեյրութ) Հայկազյան համալսարանի և Հայկական սփյուռքի ուսումնասիրության կենտրոնի նախաձեռնությամբ մայիսի 24-27-ը տեղի ունեցավ «Սիրիայի հայերը» խորագրով գիտաժողովը:

Գիտաժողովի պաշտոնական բացմանը ելույթ ունեցավ պրոֆեսոր Սիմոն Փայասլյանը (ԱՄՆ), իսկ հանդիսավոր բացմանը տեղի ունեցավ Շողակաթ Աբարդյան-Սելիմյանի՝ Հալեպին նվիրված խտասալիկի շնորհանդեսը:
Գիտաժողովի Ա. և Բ. նիստերը նվիրված էին Սիրիայի պատմությանն ու պետությանը: Զեկուցումներով հանդես եկան պրոֆեսոր Ջոն Արմաջանին (ԱՄՆ), դոկտոր Նորա Արիսյանը, Մարիա Գաբրիելյանը, պրոֆեսոր Թալին Տեր Մինասյանը (Ֆրանսիա), Արման Եղիազարյանը, Արթուր Իսրայելյանը, Ֆիրդուս Զաքարյանը:

Գիտաժողովի Գ. և Դ. նիստերին, որոնք համապատասխանաբար վերնագրված էին «Հալեպ» և «Մշակույթ», մասնակցեցին Վարդի Քեշիշյանը, դոկտոր Հիդեմիցու Քուրոքին (Ճապոնիա), պրոֆեսոր Սիմոն Փայասլյանը, դոկտոր Հայկանուշ Մեսրոպյանը, դոկտոր Հակոբ Չոլաքյանը, Սիլվի Աբելյանը, Մարուշ Երամյանը:

Մայիսի 25-ին տեղի ունեցավ կլոր սեղան քննարկում՝ «Սիրիայի տագնապը և սիրիահայությունը» խորագրով, որին մասնակցեցին Հոգշն. Շահան Արք. Սարգսյանը, Վեր. Հարություն Սելիմյանը, Հոգշն. Արմաշ Եպս. Նալբանդյանը:

Գիտաժողովի երկրորդ օրվա Ա. և Բ. նիստերը նվիրված էին «Հայոց ցեղասպանության հետևանքներին»: Զեկուցեցին Խաչիկ Մուրադյանը, Միհրան Մինասյանը, դոկտոր Անդրանիկ Դաքեսյանը, Անի Ոսկանյանը, դոկտոր Հակոբ Չոլաքյանը, դոկտոր Նորա Արիսյանը, դոկտոր Վահե Թաշչյանը:

Գիտաժողովի երրորդ և վերջին օրվա Ա. և Բ. նիստերը վերնագրված էին՝ «Սիրիահայությունը Սիրիայի ներկա տագնապին դեմ հանդիման»:

Զեկուցեցին դոկտոր Շողիկ Աշըգյանը, Սոսե Փիլավճյանը, Մարուշ Երամյանը, Հակոբ Միքայելյանը, Խորեն Գրիգորյանը, Թեհմինե Մարտոյանը, Արմենակ Թոքմաջյանը, Գևորգ Հակոբյանը:

Գիտաժողովի փակումից հետո տեղի ունեցավ Հայոց ցեղասպանության հարյուրամյակի Լիբանանի կենտրոնական մարմնի հովանավորությամբ և Ն. Վ. Տիար Արթուր Նազարյանի նախագահությամբ «Մթնշաղից դեպի Արշալույս» խորագրով Հայ ավետարանական «Արմիս» երգչախմբի համերգը:

Մեր խորին երախտագիտությունն ենք հայտնում Հայկազյան համալսարանի տնօրեն, վերապատվելի դոկտոր Փոլ Հայդոսթյանին, Հայկական սփյուռքի ուսումնասիրության կենտրոնի տնօրեն դոկտոր Անդրանիկ Դաքեսյանին՝ «Սիրիայի հայերը» խորագրով արժեքավոր գիտաժողովի կազմակերպման համար: Գիտաժողովը կարևոր ներդրում էր գործնականում սիրիահայությանն առավել օգտակար լինելու հարցում:

«Սիրիայի հայերը» խորագրով գիտաժողովի մասնակիցները հաստատեցին, որ սիրիահայ համայնքը կարևոր դեր է խաղացել և շարունակում է խաղալ ազգային արժեքների ստեղծման գործընթացում. այն հայ մշակույթի, պատմական հիշողության, ազգային ինքնագիտակցության կրողն է:

Թեհմինե Մարտոյան
Անի Ոսկանյան
Akunq.net