Թուրքայի քրդական ցեղախմբերը լքում են Էրդողանին եւ միանում քրդական կուսակցությանը

Թուրքիայի արեւելքում եւ հարավ-արեւելքում մեծ կշիռ ունեցող քրդական ցեղախմբերի մի մասը լքել է իշխող Արդարություն եւ զարգացում (AKP) կուսակցությունը եւ միացել քրդական Ժողովուրդների դեմոկրատական (HDP) կուսակցությանը:
Թուրքական Sözcü պարբերականի փոխանցմամբ՝ Թուրքիայի Բաթման, Ուրֆա, Ադըյաման, Շըրնաք, Սիիրթ, Հաքքարի եւ այլ արեւելյան նահանգների հայտնի քրդական ցեղախմբերը զանգվածաբար լքում են իշխող Արդարություն եւ զարգացում կուսակցությունը եւ միանում Ժողովուրդների դեմոկրատական կուսակցությանը։
Մի քանի օրվա ընթացքում AKP-ից դուրս են եկել եւ միացել քրդական կուսակցությանը Ժիրքիլեր, Զիլան եւ Քեժան ցեղախմբերը։
Ավելի վաղ AKP-ից հեռացել էին Բաըլը, Շեյհանլը, Իզոլ, Քարաքեչիլ, Մերսավի, Քալքան, Բարլին, Թուրան, Արսլան, Լաչին, Դուրսունլար, Բոյդան, Էրդողան, Շահին, Քըլըչասլան, Քարանժա, Ռաման, Բարավի, Ալիքա, Մալադինա, Ռիշվան, Հալումերի, Շինդիօղլու, Քիրօյի ցեղախմբերը։
http://news.am/arm/news/269631.html