Թուրքիան Ադրբեջանի և Վրաստանի հետ համատեղ զորավարժություններ է սկսել

Թուրքիայում սկսվել են Թուրքիայի, Ադրբեջանի և Վրաստանի «Կովկասյան արծիվ» հատուկ նշանակության ջոկատների զորավարժությունները, հաղորդում է РИА Новости-ն՝ հղում անելով թուրքական գերագույն շտաբի հաղորդագրությանը։

«Մայիսի 31-ից մինչև հունիսի 10-ը Թուրքիան, Ադրբեջանը և Վրաստանը համատեղ զորավարժություններ կանցկացնեն Թուրքիայի տարածքում։ Զորավարժությունների նպատակն է զարգացնել համագործակցությունը, համակարգումը և բարեկամական հարաբերությունները երեք երկրների զինված ուժերի միջև»,- նշվում է շտաբի հաղորդագրությունում։

Հաղորդվում է, որ Թուրքիայից մասնակցում է հատուկ նշանակության ստորաբաժանում, 2 ուղղաթիռ, մեկ ինքնաթիռ, Վրաստանից և Ադրբեջանից զորավարժություններին մասնակցում է մեկական հատուկ նշանակության ստորաբաժանում։

http://www.tert.am/am/news/2015/05/31/turkey/1692409