Թուրքիայի Դատական խորհուրդը անօրինական է համարել նախագահի պալատի կառուցումը

Թուրքիայի Գերագույն դատական խորհուրդը երեքշաբթի չեղարկել է Անկարայի դատարանի որոշումը, որով թույլատրվում էր երկրի մայրաքաղաքում Աք Սարայ նախագահական պալատի շինարարությունը: Այս մասին РИА Новости-ին հայտնել է Թուրքիայի Ճարտարապետների պալատի Անկարայի բաժնի ղեկավար Թեզջան Քարաքուշ Ջանդանը:

Թուրքիայի Ճարտարապետների պալատը, որը դեմ էր արտահայտվում նախագահական պալատի կառուցմանը Անկարայում պահպանության տակ գտնվող Աթաթուրքի անտառային տնտեսությունում, ավելի վաղ այն կառուցելու թույլտվությունը չեղարկելու մասին հայցով դիմել էր երկրի Գերագույն դատական խորհուրդ:

«Պահպանվող պատմական տարածքներում արգելվում է ցանկացած տիպի շինարարություն, սակայն Անկարայի դատարանը նախկինում որոշում էր կայացրել հանել այդ սահմանափակումը նախագահական պալատի նկատմամբ: Այսօր Գերագույն դատական մարմինը չեղարկել է այդ որոշումը, դա մեզ շատ է ուրախացնում: Այժմ Թուրքիան պետք է որոշի` ինչ անել այդ անօրինաբար կառուցված պալատի հետ», – ասել է գործակալության զրուցակցուհին:

http://www.tert.am/am/news/2015/05/26/turkey-palace/1688118