Թուրքիայում չերքեզները քննարկել են Հայոց ցեղասպանության մեջ չերքեզների դերը

Հայոց ցեղասպանության 100-րդ տարելիցին Թուրքիայի չերքեզական «Գուշիփիս» ամսագիրը Թուրքիայում ապրող եւ արտասահմանից հրավիրված չերքեզների հետ քննարկել են Հայոց ցեղասպանության մեջ չերքեզների դերակատարությունը։

Ինչպես տեղեկացնում է Ստամբուլի հայկական «Ակոս»-ը, Թուրքիայում ապրող եւ արտասահմանից Թուրքիա ժամանած չերքեզները քննարկել են չերքեզների տեսակետը Հայոց ցեղասպանության վերաբերյալ եւ դրանցում չերքեզների դերակատարությունը։

Չերքեզական հասարակական կազմակերպությունների ներկայացուցիչների տեսակետը բավականին զարմանալի է եղել, քանի որ նրանք առանց կաշկանդվելու օգտագործել են Հայոց ցեղասպանություն եզրույթը։

Թուրքիայի չերքեզական «Գուշիփիս» ամսագրի խմբագիր Քուբան Քուրալը նշել է, թե բավականին դրական է, որ Հայոց ցեղասպանության հարցի շուրջ քննարկումներում երիտասարդ չերքեզները անհրաժեշտ են համարել, որ չերքեզներն իրենց բաժին մեղքն ընդունեն 1915-ի մեջ եւ առերեսվեն տեղի ունեցածի հետ։

Անկարայի չերքեզների միության նախագահ Յինալ Քոզուքը նշել է, թե չերքեզներից մասնակցել են Հայոց ցեղասպանությանը, ինչպես նաեւ եղել են չերքեզներ, ովքեր փրկել են հայերին։

http://news.am/arm/news/267439.html