Թուրքիան դեռևս թունավոր օձ է. չես կարող գուշակել, երբ կխայթի

2015 թվականի ապրիլի 24-ի նախորդած և հաջորդած ժամանակաշրջանում համայն հայությունը կարողացավ աշխարհին ներկայացնել Թուրքիայի իրական դեմքը, ինչը շատ հեռու է քաղաքակրթական արժեքներից: Սակայն անհրաժեշտ է նաև զգույշ և ուշադիր լինել այդ «թունավոր օձի» նկատմամբ, քանի որ չես կարող գուշակել, թե երբ կխայթի:

Անկարայի քաղաքապետ Մելիհ Գյոքչեքը փորձել է ելույթ ունենալ Տիգրանակերտի հեռուստատեսությամբ, սակայն յոթ հեռուստաընկերություններ մերժել են և միայն մեկ հեռուստաընկերություն է համաձայնել հարցազրույց հեռարձակել նրա հետ:

Ինչն էր խնդիրը: Գյոքչեքը շարունակում է պնդել, որ Քրդական բանվորական կուսակցությունը նպատակ ունի Թուրքիայի հարավ-արևելքում ստեղծել երկու պետություն ` Քրդստան և Արևմտյան Հայաստան: Նա բազմիցս է կրկնել, որ քրդերի և հայերի միջև 1984 թվականին կայացել է համաձայնություն, որ սկզբում կազատագրեն Արևմտյան Հայաստանը և հետո կորոշեն, թե ում ինչ տարածք է բաժին հասնելու;

Եվ սա ասում է Թուրքիայի մայրաքաղաքի քաղաքապետը:

Չի բացառվում, որ հակահայկական հիստերիան Թուրքիայում նոր թափ ստանա և այն շաղկապվի քրդական հարցի հետ:

Ուշիուշով պետք է հետևել Թուրքիայի ներքին քաղաքականությանը, քանի որ այդ երկրի իշխանությունը շարունակվում է նմանվել «թունավոր օձի» և չես կարող գուշակել, թե երբ կխայթի:

http://www.armweeklynews.am/w/wp/p1071.php