Հայկազուն Ալվրցյանը հիշեցնում է ժամանակին Արևելյան Հայաստանի տարածքում գտնվող եկեղեցիների մասին

Tert.am–ի հետ զրույցում նման կարծիք հայտնեց Արևմտահայոց հարցերի ուսումնասիրության կենտրոնի տնօրեն Հայկազուն Ալվրցյանը՝ ավելացնելով. «Սրանք այն ժամանակ եղել են Արևելյան Հայաստանի տարածքում (ներկայում Թուրքիայի տարածքում), և այդպիսի տարածքներ շատ ունենք՝ Կարս, Արդահան, Սարիղամիշ և այլն: Եվ այստեղ ունենք եկեղեցիներ, որոնք վերածվել են մզկիթի, օրինակ՝ Կարսի սուրբ Առաքելոցը, և նման բազմաթիվ խոնարհված եկեղեցիներ, որոնք ավերվել են կամ մզկիթի վերածվել: Սրանք այն եկեղեցիներն են, որոնք ցարական շրջանում, նաև՝ Հայաստանի Առաջին Հանրապետության տարիներին, դուրս էին Թուրքիայի տարածքից»:

Հիշեցնենք, որ տարբեր հաշվարկներով՝ Թուրքիայում մինչև Ցեղասպանության տարիները եղել է 2500,- 4000 հայկական եկեղեցի ու վանք:

Հիշեցնենք, նաև, որ Tert.am-ի հետ զրույցում Մայր աթոռ Սուրբ Էջմիածնի արխիվի և ձեռագրերի պահոցի տնօրեն Տեր Ասողիկ քահանա Կարապետյանը, պատասխանելով հարցին, թե Մայր Աթոռի՝ Թուրքիայի դեմ ներկայացվելիք հայցում Ցեղասպանության տարիներին բռնազավթված ինչ  եկեղեցիներ են ներառված լինելու, նշել էր. «Ներառված են լինելու ո′չ միայն Անթիլիասին կամ Մայր աթոռին պատկանող հայոց եկեղեցիները, այլև՝ բոլոր այն եկեղեցիները, որոնք եղել են Արևմտյան Հայաստանում և Օսմանյան կայսրության տարածքում, և որոնց պատկանելության վերաբերյալ օսմաներենով սեփականության վավերագրեր են առկա»:

http://www.tert.am/am/news/2015/05/12/alvrcyan/1673170