Թուրք-ադրբեջանական զորավարժություններ Նախիջևանում

Բաքվում և Նախիջևանում մայիսի 12-ին մեկնարկել են թուրք-ադրբեջանական համատեղ զորավարժություններ, հաղորդում է ադրբեջանական APA գործակալությունը: Զորավարժություններն ընթանում են Ադրբեջանի և Թուրքիայի միջև ռազմական համագործակցության մասին համաձայնագրով:
Ադրբեջանի պաշտպանության նախարարության հաղորդագրության համաձայն՝ Ադրբեջանի պաշտպանության նախարար Զաքիր Հասանովը և Թուրքիայի երրորդ բանակի հրամանատար Ումիտ Դունդարը համատեղ կվերահսկեն և կհետևեն Նախիջևանում ընթացող զորավարժության փուլերից մեկը:
Զորավարժությունները կընթանան մինչև մայիսի 16-ը։
Ադրբեջանը ապրիլի սկզբին հայտարարել էր «լայնամասշտաբ զորավարժությունների անցկացման» մասին՝ չհստակեցնելով դրանց տեղն ու ժամկետները:

http://civilnet.am/2015/05/12/turkish-military-exercises-nakhichevan/#.VVMHJ47tmko