Ուրֆայում ախոռի վերածված հայկական եկեղեցի մտնել չի լինում՝ թրիքի պատճառով

Ուրֆա շրջանի Գերմուշ գյուղում գտնվող հայկական եկեղեցու վիճակն այցելուների զայրույթի պատճառն է դարձել, գրում է Hye Tert-ը։

Ախոռի վերածված եկեղեցու վիճակը տեսած քաղաքացիները հայտարարել են, որ այն վնաս է հասցնում Ուրֆայի զբոսաշրջությանը։

Շրջկենտրոնից 10 կմ հեռավորությամբ գտնվող եկեղեցու այցելուները նշել են, որ այն չափազանց կեղտոտ է, և մտնել հնարավոր չէ կենդանիների թրիքի պատճառով։

Ո՛չ զբոսաշրջության վարչությունը, ո՛չ քաղաքապետարանը եկեղեցին զբոսաշրջիկների այցելության վայր դարձնելու համար ոչ մի քայլ չեն ձեռնարկում։

Սակայն պատմական եկեղեցին, չնայած անխնամ վիճակին, կարծես հակառակվում է և մինչ այժմ կարողացել է կանգուն մնալ։
http://www.tert.am/am/news/2015/05/06/urfa/1666713