Թուրք գործիչներն ապրիլին ամենից շատ խոսել են ընտրություններից ու Հայոց ցեղասպանությունից

Թուրքիայում հունիսի 7-ին կայանալիք խորհրդարանական ընտրություններին հաշված օրեր են մնացել, և թուրքական լրատվամիջոցների ուշադրության կենտրոնում ներքաղաքական իրադարձություններն են, գրում է թուրքական Dagmedya.net կայքը:

Համաձայն Մեդիայի իրականացրած ուսումնասիրության՝ ապրիլ ամսվա ընթացքում Թուրքիայի քաղաքական գործիչների կողմից բարձրաձայնված հարցերի առաջին հորիզոնականներում եղել են հենց ընտրություններն ու Հայոց ցեղասպանության թեման:

Թուրքական լրատվամիջոցներում ընտրությունների մասին եղել է 16.412 գրառում: Հայոց ցեղասպանության հարցը զբաղեցրել է երկրորդ հորիզոնականը՝ 6.475 գրառում:
Շատ քննարկվող նյութերի եռյակը եզրափակում է նախագահ Ռեջեփ Թայիփ Էրդողանի՝ նոր Սահմանադրության վերաբերյալ առաջարկը:

http://www.tert.am/am/news/2015/05/05/press-turkey/1666109