Թուրք հաքերները Հայոց ցեղասպանության փաստը ճանաչելու պատճառով խոշոր հարձակում են սկսել Ավստրիայի պետական կայքերի վրա՝ շարքից հանելով մի քանի կարևոր կայքեր, տեղեկացնում է թուրքական «Իհլաս» գործակալությունը:
Turk Hack Team անունով հայտնի հաքերային խմբավորման հարձակման հետևանքով ժամանակավորապես շարքից դուրս է եկել, մասնավորապես, Ավստրիայի կենտրոնական բանկի պաշտոնական կայքը: Թուրքական խմբավորումը հայտարարել է, որ իր հարձակման պատճառը Ավստրիայի խորհրդարանի կողմից Հայոց ցեղասպանության փաստը ճանաչող բանաձևն է:
Թուրքերը նշել են, որ առաջիկայում ևս իրենց թիրախում են պահելու ավստրիական կայքերը:
Նշենք, որ նույն այս խմբավորման անդամներն ավելի վաղ հարձակումներ են գործել Վատիկանի, ինչպես նաև Հայաստանի կայքերի վրա: Բոլոր հարձակումների պատճառը Ցեղասպանության 100-ամյակն է եղել:
Աղբյուր` Թուրքագիտական պորտալ
AllTurkey.am
Leave a Reply