Ոչ ոք չի կարող մեր պատմությունն անպատվող ուսումնական ծրագիր ուսուցանել. Դավութօղլուն՝ Գերմանիային

Գերմանիայի Դորտմունդ քաղաքում հանրահավաքի ժամանակ ելույթ ունեցած` Թուրքիայի վարչապետ Ահմեդ Դավութօղլուն Հայոց ցեղասպանության հարցով խիստ քննադատել է Գերմանիային և ընդդիմադիր կուսակցություններին. տեղեկացնում է Haberler-ը:

Դավութօղլուն ասել է. «Ձեր ներկայությամբ ևս մեկ անգամ կոչ եմ անում Գերմանիայի խորհրդարանին: Հարգելի Մերկելի հետ էլ այս հարցով հեռախոսազրույց ունեցանք: Եթե ինչ-որ մեկը փորձի մեզ պատմության դաս տալ, մենք էլ կասենք, որ Անատոլիայի ժողովուրդների, ընդ որում` հայերի հետ մենք հազար տարի միասին ենք ապրել: Մենք գիտենք՝ նրանց հետ ինչպես խոսել, ինչպես խոսել պատմության մասին: Դուք՝ որպես երրորդ երկրներ, ստվեր մի’ գցեք, այլ լավություն չենք ուզում: Մենք գիտենք՝ ում հետ, որտեղ, ինչ խոսել»:

Կրկնելով «արխիվները բացելու» մասին անգիրը՝ Դավութօղլուն հիշեցրել է Էրդողանի՝ անցած և այս տարվա ուղերձները՝ «Օսմանյան կայսրության հայերի և հատկապես` Առաջին համաշխարհային պատերազմի ընթացքում տեղի ունեցած իրադարձությունների» վերաբերյալ:

«Բայց սեփական պատմությանը չնայողներին, ովքեր փորձում են մեզ պատմության դաս տալ, պարզ և բացահայտ ասում եմ՝ մենք մեր պատմությունն ու պատիվը քննարկման առարկա չենք դարձնի: Մենք երրորդ կողմի հետ ինչ-որ բան չենք կարող քննարկել: Առավել ևս, երբ ասեք` «այն ներառենք ուսումնական ծրագրում, թող Գերմանիայի նոր սերունդը իմանա»: Ահա, այդ ժամանակ ձեր պարտականությունն այդ ծրագիրը չուսուցանելն է: Ոչ ոք չի կարող մեր պատմությունն անպատվող ուսումնական ծրագիր ուսուցանել: Մենք ընդունում ենք կարծիքների ազատությունը, քննադատությունները, սակայն երբեք թույլ չենք տա վիրավորանք և պատմությունը խեղաթյուրում».ասել է Դավութօղլուն:

http://www.yerkir.am/am/news/85144.htm