«Լռության ճիչը». Դիարբեքիրում Ցեղասպանությանը նվիրված ցուցահանդես է բացվել

Հայոց ցեղասպանությունից փրկվել կարողացած հայերի հետքը 27 տարի շարունակ փնտրել ու գտել է նրանց լուսանկարած Անտոնի Ագուդջյանը, գրում է «Օզգյուր գյունդեմ» կայքը։

Ցեղասպանության 100-ամյակին նա ցուցահանդես է բացել Դիարբեքիրում. այն կրում է «Լռության ճիչը» խորագիրը։

27 տարի շարունակ Հայաստանի, Լիբանանի, Իրանի, Սիրիայի ու Իրաքի նման երկրներում հայերի լուսանկարած այս լուսանկարչի հայրը Քութահյայից է (Կուտինա-Ակունքի խմբ.), իսկ մայրը՝ Էրզրումից (Կարին-Ակունքի խմբ.)։ Իրենց պապի՝ Օսմանյան բանակի սպա Արթին Արըջըյանի շնորհիվ փրկված ընտանիքը Քութահյայից գաղթել է Մարսել։

Ֆրանսիայում մեծանալու ընթացքում հայ ժողովրդի ապրած ցավը տեսնելով՝ 1988-ից սկսել է լուսանկարել Ցեղասպանությունից փրկվածներին այն երկրներում, ուր նրանք գաղթել են։

Նա նշում է, որ լուսանկարների հերոսներին փնտրելու ժամանակ ինքը տարբեր զգացողություններ է ունեցել։ 1915-ին կոտորողներից բացի, միևնույն ժամանակ նաև լավ բաներ անող, օգնել փորձողներ են եղել, այդ պատճառով մեկ զգացողության մասին խոսելը, ըստ նրա, դժվար է։

http://www.tert.am/am/news/2015/04/30/diyarbekir/1662087