Հայերն իրավունք ունեն վերադարձնել այն, ինչ իրավամբ իրենց է պատկանում. Ադամ Շիֆը՝ Սիսի կաթողիկոսարանի վերադարձի մասին

ԱՄՆ Կալիֆոռնիա նահանգը ներկայացնող կոնգրեսական, դեմոկրատ Ադամ Շիֆը ողջունել է Մեծի Տանն Կիլիկիո կաթողիկոսության՝ Թուրքիայի սահմանադրական դատարան դատական հայցի ներկայացնելը, որով կաթողիկոսարանը պահանջում է իրեն վերադարձնել իր ունեցվածքը: Այս մասին տեղեկացնում է Հայ դատի ԱՄՆ հանձնախումբը` Ֆեյսբուքի իր պաշտոնական էջի միջոցով:

«Օսմանյան կայսրության թալանած այս հնագույն և սրբազան տարածքը հարյուր տարի անց պետք է վերադարձվի իր օրինական տերերին: Հայերն իրավունք ունեն բոլոր օրինական ուղիներով հետամուտ լինելու արդարության հաստատմանը և ձգտելու վերադարձնել այն, ինչ իրավամբ իրենց է պատկանում»,- ասել է կոնգրեսականը:

http://www.tert.am/am/news/2015/04/30/adam-shif/1661769