Թուրքիայի քրդամետ կուսակցության պատգամավորը ողջունել է Հայոց ցեղասպանության վերաբերյալ ԵԽ-ի բանաձևը

Թուրքիայի քրդամետ «Ժողովուրդների դեմոկրատիա» կուսակցության ներկայացուցիչ, Շըրնաք նահանգից ընտրված պատգամավոր Ֆեյսալ Սարըյըլդըզը մեկնաբանել է Եվրոպայի խորհրդարանի կողմից Հայոց ցեղասպանության վերաբերյալ ընդունած որոշումը։

Ինչպես տեղեկացնում է CNN Turk-ը, պատգամավորը նշել է, որ իրենք ճիշտ են համարում այն։

«Թեկուզ ուշացած, թեկուզ այլ նպատակներով արված՝ մենք այդ որոշումը ճիշտ ենք գտնում։ Որոշումը տեղին էր, և Թուրքիան պետք է ընդունի այն»,-ասել է պատգամավորը։

«Անկասկած, Թուրքիայի Հանրապետության անցյալում՝ 100 տարվա ընթացքում, մեծ ցավեր, ցեղասպանություններ կան։ Ապրիլի 24-ի Հայոց ցեղասպանությունը դրանցից մեկն է»,-ասել է նա։

http://www.tert.am/am/news/2015/04/17/sariyildiz-genocide/1649187