Հիտլերը Հոլոքոստի համար օրինակ է վերցրել Հայոց ցեղասպանությունը. Քիթ Դեւիս

Հիտլերը թուրքերից է փոխառել համակենտրոնացման ճամբարներն ու տանջանքի միջոցները: Այս մասին իսպանական Infovaticana պարբերականին տված հարցազրույցում հայտարարել է ամերիկյան Rescue Christians կազմակերպության տնօրեն Քիթ Դեւիսը:

«Դեւիսը դատապարտում է Մերձավոր Արեւելքում քրիստոնյաների սպանդի հանդեպ Արեւմուտքի անտարբերությունը: Իսկ հարցազրույցում նա խոսեց Հայոց ցեղասպանության եւ Հոլոքոստի ընդհանրության մասին, որի ընթացքում զոհվել են նրա ընտանիքի անդամները. հրեայի, ով իր կյանքը նվիրել է նահատակությունից քրիստոնյաների փրկությանը»,- գրել է Infovaticana-ն:

Մասնագիտության պատմաբան Դեւիսը նաեւ հավելել է, որ ապացույցներ կան, որ Հիտլերը հրապարակայնորեն հայտարարել է, որ «եթե թուրքերը կարողացան կոտորել հայերին, ապա ինքը նույնը կարող է անել հրեաների հետ»:

Ըստ Դեւիսի, Հայոց ցեղասպանության մասին ավելի քիչ է խոսվել, քան Հոլոքոստի: «XX դարի առաջին ցեղասպանությունը հայերինն էր»,- ընդգծել է Դեւիսը՝ ինչպես օրերս այդ արեց Հռոմի Ֆրանցիսկոս Պապը: Նա նաեւ հավելել է, որ Հիտլերը համակենտրոնացման ճամբարներն ու տանջանքների մեծ մասը փոխառել է թուրքերից:

Իսկ հիմա Հռոմի Պապը համարձակորեն դատապարտեց «առաջին քրիստոնյա ժողովրդի»՝ հայերի դեմ հարձակումները, դրանք կոչելով «XX դարի առաջին ցեղասպանություն», ինչպես ժամանակին դա արեց Հովհաննես Պողոս II-ը: Դրան հետեւտեց Թուրքիայի արձագանքը. Անկարան հետ կանչեց Վատիկանում իր դեսպանին եւ հայտարարեց «պատմության սխալ մեկնաբանման» շուրջ դժգոհության մասին:

Ըստ Դեւիսի՝ անհասկանալի արձագանք է, եթե հիշենք, որ մեկ տարի առաջ այն ժամանակ վարչապետ, իսկ ներկայում՝ նախագահ Էրդողանը ցավակցություն հայտնեց հայերին զանգվածային Երկրորդ աշխարհամարտի ժամանակ «տեղահանությունների» ընթացքում «անմարդկային պայմանների» համար:

http://news.am/arm/news/261991.html