Թուրքիան հետ է կանչել իր դեսպանին Վատիկանից՝ Հռոմի Պապի ուղերձի պատճառով

Թուրքիան հետ է կանչել Վատիկանում իր դեսպան Մեհմեդ Փաչաջըին՝ Հռոմի Պապի կողմից Հայոց ցեղասպանության վերաբերյալ արտահայտության պատճառով: Այս մասին հաղորդել է Թուրքիայի ԱԳՆ-ն:

Անկարան դժգոհություն է հայտնել Հռոմի Ֆրանցիսկոս Պապի արտահայտության առթիվ, որտեղ վերջինս 1915 թվականին հայերի զանգվածային սպանությունները կոչել է «ցեղասպանություն»: «Կրոնական ուսմունքների ներկայացուցիչները չպետք է նման անհիմն հայտարարություններ անեն, որոնք ատելություն ու թշնամություն են սերմանում»,-ասել է Թուրքիայի ԱԳ նախարար Մեվլութ Չավուշօղլուն, հաղորդում է ՏԱՍՍ-ը:

Ապրիլի 21-ին Վատիկանի Սուրբ Պետրոսի տաճարում ՀՀ նախագահ Սերժ Սարգսյանի ներկայությամբ Հռոմի Պապը Հայոց ցեղասպանությունն անվանել է 20-րդ դարի առաջին հանցագործությունը՝ ուղղված մարդկության դեմ:

Նրա խոսքով՝ մյուս երկու խոշորագույն ողբերգություններն են նացիզմն ու ստալինիզմը:

http://news.am/arm/news/261611.html